Ko‘pincha biz “eng zo‘r g‘oya yutadi” deb o‘ylaymiz.
Aslida esa startup dunyosida g‘oyadan ham muhimroq narsa bor — tezlik.
Agar siz tez harakat qilmasangiz, boshqa kimdir shunday qiladi va u bozorni egallab oladi.
Biz Numeo’da shuni boshidanok bilardik. Yangi fikr kelishi bilan u haqida uzoq bahslashishdan ko‘ra, 2 kun ichida minimal versiyasini tayyorlab, birinchi mijozga chiqarishni ma’qul ko‘ramiz.
Bu konsepsiyani ilk bor Express24’da qo‘llaganmiz — 1 oyda mahsulotni real klientlar bilan ishga tushirganmiz. Oson bo‘lmagan, lekin o‘zimizga qattiq dedlayn qo‘yganmiz.
Numeo’da ham shunday bo‘ldi:
-
3 haftada MVP tayyor bo‘ldi,
-
1 oyda birinchi 3 ta mijoz topildi.
👉 Agar biz shuncha vaqt “mukammal mahsulot” yaratishni kutganimizda, bu imkoniyatdan ayrilib qolardik.
Tezlik — bu raqobatdagi ustunlik
-
Tezlik — mijoz fikrini tez olib, shunga qarab o‘zgarish imkoniyati.
-
Tezlik — investorlar e’tiborini tortadigan belgi.
G‘oya — bu 1%. Uni hayotga tatbiq qilish — 99%.
Lekin bu 99% faqat tez va qat’iy harakat qilganlarniki bo‘ladi.
